ZBC News Tonzang: ZRA-EC leh SAC Kipawl Maw Kipawl Lo?

Mi thapiak mi khut bet hang tawh Zomi aa ding nasem ding hi leng asem zo om kei in teh. Kul leh kisam ahih man hi zaw hi.Tuni ciang tha ong pia mimal kim tung ah lungdam hong ko pha pha uh hi.

ZRA leh SAC kipawl a ci ten bel ci thei mah hi ahih hang CNA in Zogam hong kuan ding in thau tawi kipawlna group 18 tawh hong kuan to uh hi. A gual zawh nading uh ahih nak leh ci in thau tawi kipawl na tuamtuam te sam uh hi. ZRA in zong Zogam Zomi te hong nawng kai sak te ih zawh na ding ahih nak leh USA ahi aa Rusia ahi zong in kipawl kul phot ding hi.

SAC te hoih na hoih loh na tel mah mah tek ni CNA te hoihna hoih lohna tel mah mah tek ni ih mun tek ah gual zawh na ngah ding ih cih hang zaanggam lam te in khua phawk nai lo hi. A mau kikal sung ki lem loh man in a lang pan pih ding mualtung mite ong deih man in hong pawl uh hi.

A mau mi leh sa om na ah Boyoke Aungsan in zong Japan tawh kop zel Mangkang tawh kop zel lel hi.Hih bang gam vai na sep na ah Laibupi dan lian in a kal suan kua gam om hiam? kua thau tawi kipawl na om ahiam?

CNA in Zogam hong sim lai un SAC om lopi mah hong sim uh hi.SAC kap nuam taktak uh hi leh Khalkha khuapi ah tam ngel veh ee akap loh pi uh.

Kong it ka Zomi pih te aw pilvang in om hithiat phot ni Paunak ah ”deklam tuktum zong gal suak thei ih muan pen zong gal suak thei hi”hakai pahtak lung heng ahoih ding aa ih up mawh khat ahoih lo zong piang thei cih om hi.

Gam dang pan in sum tawh ma pang pen anop pen hi zaw hi.Gam sung ah hong om sin phot unla luang leh ban si leh nai leh nuntak na tawh alei te omdan hong tel le uh cin na pau sa te uh zong dok kik nuam ding hi uh teh.Mihing perfect (kicing) ki om lo hi.

No deih bang in ka sep zawh loh mah bang un ko deih na bang in zong sem zo tuan lo hi ung.

Lungdam – Zo Khual

Photo: ZRA-EC 200 troops in Tonzang, Zogam.