TEDIM LEH TONZANG MAWTAW PAITA

——————————————————

(ZBC News(ZBC) opinion Sia Khaipu)

(

ZBC News)Democracy gamlian ki-ukna sungah om khinsa leh a teeng Zomite in ki deidanna leh kideidan lohna suahtakna cihte na -omna gamtek panun hong sin unla Zogam leh Zomite muh theih dingin lai-at ahi zongin online panin live khatpeuh na bawl uh ciangin suahtakna gamah mipi om dan hong lah siam un cih pen Zogam panin kong thum uhhi. Zogamah thautawi tampi om ahih manin hihte nong panpih ciangin na panpihna tawh ki tuakin hong gamtat siam mahmah un, minam khat kimuh dahna leh ki deidanna lamah hong sem kei un, Zomite kipumkhat leng a nop dan Zogamah theihsa ahihi.

Pianna leh pupa gamlei panin haksatna a thuakthuak dingin nong deih kei uhleh hong kigawm ta un, hun beisa lamin Zoland PDF Tedim khuapi ukna buluh ngongtat MLA/SAC khut sungpanin la ding a cih ciangin mipi koi lam ma nawh ding ci-in ki lung hi mawh mahmah hi. Tua kawmkal ah ZRAEC te honglut vatin mun thum panin hong kikhen in Tedim kikap lo ding akap omleh ko a dal dingin tungsiah Zogam Galkap mangte thupiakna tawh khuapi hong ciing sak uh ci hi. Mipi lungdam dan pen nam nih bangin ngaihsutna om hi, Zoland in a lak sawm ahihteh lung muangin om theih taktak ki-um zolo, Zogam Galkap te in lung hi mawh kei-un mipi tawh na i sem khawm hi. Tua ahih manin kuamah tai kei un Tedim khuapi pen Zogam Galkap in adal dingleh akep ding minam galkap te mawh puak hi, hong ci hi.

Tua kawm kalah Tedim ah mipi nuntakna haksa in buhtang man lah khangin thautawi pawl khatin an leh meh khawng ngen thei zelin poi kisa lo hi. Thu tampi om kawm kalah Tedim ah mipi hong lung muang zaw deuh ta in mawtaw hong tungtung thei ta hi. Cih nopna-ah Kawlpi lam panin buhtang leh a tuamtuam Tedim ah kiim pian ta a, khual zin zolo t ading leh Tedim sak siah panin vanlakna nuam tuam mahmah ahihna hangin a diak in ki lungdam hi. Tedim panin gal hong tai ahi Tonzang khuapi ate zong ZPCC te thusuahna hangin ciah dingin ki thawi uh a, pawl khat zong ki ciah khin zo ta hi.

Federal Democracy tupna a deih gam dangah Zomite in dei danna leh minam khat kikal ah ki kuh dahna te hong zang kei un, tua bang lungsim in mipi suahtakna lungsim pua peuh mah lo ahih manin thautawi khempeuh leh mipi thapiak dan kalsuan pih uh hong thei siam tek le uh cin kilemna om ding hi. Tonzang khuapi ah teng Zomite’ zong abeisa thu-om te gam dangah panin ahih manin tu’ hunah Kawl kumpi leh Zogam Galkap ten luah ahih manin mipi suahtakna dingin ahih pah lo hangin kilemna om ta ci hi. Sanggam zo cih manin hehna in a ngaihsun gam dangah om sanggam zo te in na Democracy zat dan uh hong siam un, sim lamte zong tua bangin ngaihsun ni’ teenna mun leh mual om zia tawh kisapna pen mi khempeuh kammal zangtaang ahih manin kipumkhat hunta hi.

Zogam thu kagen nopin mawtaw hong tung ta ni khatin tam hong tun zawh pah loh hangin vanzuakna leh vanlakna mipi khua sungah nuntak gim nam zaw deuh cihna hi. Tonzang lamah mawtaw zong pai thei ta in van nasep zong om kiukiu ta uhhi. Tedim leh Tonzang khuapite zuum nasep leh CDM a kipan kizom thei ta ding din munah om hi. Siamsin te zong kah thei ta ding a, zato leh meiphel zum cih a tua

tuamtuam Kawl kumpi-in hong puah mahmah ta hi. Democracy i deih sam hangin a thuak taktak te ading baih vet lo ahih manin mipi oa hehpih huai dan uh na ngaihsun zel un, suahtakna indeih hangin i minam sungah kimuh khelhna leh gamtatna te in i deih suahtakna sangin lungtang natna hong guan zaw hi. CNA te bangin daitak in a khuapi a kep siam bangin Zomite aw ki thutuak in amau danin Zogam hong kembit khawm un, cik mahin CNA leh CDF/Hakha te in amau khuapi kap ngeilo ding uh a, a kap sawm amakaipa zong na kap lum zaw uhhi.

Mi dangin Zogamah hong kimawl ciangin Zomite kisia lawh zaw hi, Zomite zong tua bang mahin pawi gamah kimawl omleh khawl san ni’ CNA in Falam te camp khawng laksakin SAC kap sawm ngeilo uhhi. CC sungah om tengin amau molh tum bangin i suah khak nawnlo nading han ciam huai hi. Gam panin ut bangbangin kampau tek Kawlte နိုင်ငံရေး hong thuk kan lai-un , thautawi te na thapiakna te uh khat veivei a naupang vai zong tam mahmah hi. CNA in hong ngap hileh Zomite hong vik nuam mahmah ding hi. Tua ahih ciangin နိုင်ငံရေး cih pen kuamah muan theih luat om loin khut tung lumlet zong a bang thei thu khat hi. Zomite’ ading tu’ ciangciang khuapi a kem leh mipi hong lung muangsak Zogam galkap te pai dan hoih kisa hi. Thautawi dangte kalsuan dan zong a sia om loin nuntakna tawh ki tuak zo nawn lo hi, Zogam ki zawng lua ahih manin Pasian tungah thu ngen tawntung leng lampi khat teitei Topa’n hong pia ding hi.

read more news

www.zbc.news

#correspondent#siakhaipu