(ZBC News), Japan gamah Fukushima khua kimah bear (vompi) khat in mi na phuai gawp a, mi li liam sak uh ci hi. Hih thupiang pen Japan gam (northeastern) lam ahi hi. Thupiang thuthang te kikanna ah, bear (vompi) te pen gamlak panin khuapi sungah hong let ahihna khua sung miten gen uhhi.

Nung kum 2025 kumin Japan gam bupah vompi in mihing aphuai na tawh kisai-in thupiang a tam pen kum in ciam teh hi. Environment Ministry (Gam-le-leitang Lam Thunei) te pulakna ah mi zanih leh sawmthum 230 val vompi phuaina panin mi sawm leh thum 13 in sihna lawh hi.

Gamsung panin video (security camera) sungah a suakdanin in, vompi ih cih vom (black bear) khat pen kuang kepna (steel plant) kuang sung panin hong taikhia a, nasem a paisuk kum 20 gual khangno khat delhin bawhin liam gawp sak hi. Tua khit ciangin vompi pen nasem te inn sungah lutto leuleu-a, a dang nasem kum 60 gual pasal khat phuai liam gawp leuleu hi.

Khangnote’ a gendan ahihleh , tua vompi in a mun dang kampani tuam ah nasem kum 60 gual pasal khat le a kim a om inn khat pan kum 80 gual pitek khat na phuai liam gawp leuleu ci hi. Hih pasal thumte pen a liamna uh lianlua loin (minor injuries) hi-a, tua pi tek pen bel a liamna siahuai deuh (moderate injuries) ci hi. Vompi phuai gawpna panin liamma teng khempeuh sihna ding ciang khop in a lauhuai bel omlo hi.

Ni nihni (Tuesday) nitaklam ciang dongin tua vompi pen man zo tuan nai lo uhhi. Palik ten singmaam tawi in, Kampani huang sung mun khat panin ah a umcih thei dingin lamen uhhi. Hih vompi khua sunglutna hangtawh kizui-in a kim apam a om sanginn nih (2) zong khakcip uhi. Nungkum lamin zong Akita gam zanglam (northern region) ah vompi in mi 60 val a phuai gawp manin Japan galkap (troops) te zong a huh dingin tua hun lai-in na na kipuak khin ngei uhhi.

tead more news

www.zbc.news

#correspondent#lianpu#