———————————————-

America galkap te in (ZBC) July 16, Iran tungah tuipi lampi a khakna (naval blockade) kikhia kik a, Nilaini zing sangin vanlam panin gal kapna tawh (airstrikes) zangin khauh paizaw semsem ci hi. Iran galkap camp khat a bombard ahih manin galkap mi 7 si a, gam bupah mi 260 val liam uhhi ci-in Iran gam thunei TV lam in gen uhhi.

Iran leh America in Middle East gam sungah ni tampi sung kidona kinei a, Strait of Hormuz luipi lampi ukna ding ah gamnih gel kibawlna in tua tuikulh khuamah gal kidona lianpi hong kipan thei ding hi ciin lau huai mahmah ci hi.

Iran kumpi lam thu genpa Fatemeh Mohajerani in, “Ni tawmno sungah mi 30 sangin tampi si zo hi,” ci a, a dang kim takin gen nai lo hi. A si te lakpan mi 7 pen Iran ni suaklam Sistan leh Baluchestan gam sung galkap camp a kikap zansakna pan ahihna gen uhhi.

America in April hun panin ah Iran tungah tuipi blockade kipan sak masa a, June ciangin ah tawp sak kik hi. Tua pen Iran nuclear program leh thu dangte genkhawmna ding ni 60 sung thukimna khempeuh a kizom hi. Ahih hangin, Strait of Hormuz sungah kidona khauh semsem ahih manin genkhopna zong din khawl phot ta uh hi.

Strait of Hormuz pen leitung gambup sathau oil leh natural gas kizuakna panin Iran gam neihsa sung panin 20% val kizang khia in ahi hi. Iran Revolutionary Guard in Nilaini in, blockade pen kipaisuak sak loin Middle East pan energy (oil leh gas) khualzinna khempeuh khak tan ding uh ciin vauna thupia uhhi. ZBC news correspondent in Meddle suahna thupiang kai khawm in a suah hi.

U.S. President Donald Trump in Nipi ni-in ah blockade hong kipan kik ding in a thu gen kawmkal ah, Strait of Hormuz kuam zang khempeuh tung panin ah 20% siah kaih dingin zong gen hi. Ahih hang Persian Gulf gamte makaipite genna tawh ki sai-in tua munah man lak ding thu tawh kisai tawlkhat sung khawl sak photin blockade bek hong kipan kik sak phot hi.

America leh Iran gel kidona hong khauh semsem a, America galkap in blockade a kipan tua kuam khempeuh kizui-in mun tampi panin bomb khia a, nai 7 sung target tampi suksiat sak uh ciin U.S. Central Command in gen hi. Iran Health Ministry a thu genpa Hossein Kermanpour in mi 260 kiim liam uhhi ci a, mi si zah ding kimtak gen nailo hi. Hih liamna mi phazah pen America leh Iran kidona a khauh pai na panin a tam pen lak ah misi ci uhhi.

America in Sistan leh Baluchestan gam sung Bampour khua ah Iran 388th Mechanized Infantry Brigade galkap camp bomb a, missile 13 val zang uh ciin Iran state TV in gen hi. Tua bomb na ah galkap naseppih te si a, tampitak liam uhhi. Iran galkap in: “America galbawlna hih pen thuman takin dawn ding uh hi.

Nilaini zing sangin Bahrain leh Kuwait ah missile vauna hong om a, Jordan in zong Iran missile vauna hong om a, Jordan in zong Iran missile thum kikapin kipha suk uh ci hi. Iran in Bahrain, Kuwait leh Jordan tungah gal kap uh cih zong pawm hi. U.S. Central Command makaipa Adm. Brad Cooper in Iran in Gulf Arab gamte tungah missile leh drone tampi khia hi ci a, “America galkap in Iran galbawlna in mimal nuntakna lau huai sakna tungah mawhna puak sak ding hi,” ci hi.

America leh Israel te in February 28 ni in Iran galkap a kipat ciangin, Tehran in Strait of Hormuz khak bangin a lawmte tungah gal bawl leh vauna pia hi. Tua hangin oil man, fertilizer leh van man dangte zong sang semsem hi.

A masa lamin ah Iran in Oman gamte kiangah tampi tak Iran in galbawl bawl a, tua pen hih kidona hong khauh sakna khat ahi ci hi. America in Strait of Hormuz hong kihong sakkik dingin galkap zat ding ci a, ahih hang tua dingin galkap tampi leh galkap mi sang tampi kisam ding ciin in lim gen uhhi. Iran UN a ambassador Amir Saeid Iravani in America in Iran tungah gal bawl paisuakna phun san hi.“America pen gal kipan sakpa ahi a, gal tuakpa hilo hi,” ciin United Nations makaipa kiangah laigelh hi. Trump in sathau man sangin investment deih zaw hi

Trump in ni khat ah Persian Gulf gam makaipite in amah hong sam a,tawm tekb man lak sangin America ah dollar billion tampi investment bawl ding deih uh ciin gen hi. Trump in: “Tua lampi ka deih zaw hi. Strait of Hormuz zatna tungah kuamah man lak ding ka deih lo hi,” ci hi. Amah in Fox News kiangah zong ni nih sung America in Iran tungah gal kapna tuamtuam hong nei lai ding a, thukimna hong kipan kik lo leh bridge leh power plant te zong target suak ding ciin vauna pia hi. “Thukimna bawl un. Ahih kei leh na gamah bangmah hong suak nawn lo ding hi,” ciin Trump in vauna pia hi.

Thukimna kiphutna in lau huai dinmun tungta nih 60 sung interim peace deal nuai ah Iran in Strait of Hormuz zangna man lak lo ding ci pawm hi. Ahihhang tua ni 60 zaw ciangin bang bawl ding cih kician lo hi. Iran in tua lampi uk ding leh man lak theihna amaute’ thu ahi ci a, America in tua thu san sak lo hi.

Brent crude oil man pen barrel khat ah $87 dong kai a, Trump in thu kikhel ding gen khit ciangin $78 dong kiam a, Nilaini ah $85 dong man khang kik hi. Tuabanah Middle East gamte pan a thukimna bawlnab lamte in America leh Iran genkhawmna hong kipan kik theihna ding hanciam lai uhhi.

read more

www.zbc.news

#correspondent#pasang#usa#