PA THANG SUAN MUNG ZOMI SUNGAH MI HOIH MAHMAH KHAT HI

———————————————————

(CNA-CDF/TONZANG PANIN ZOU GALKAP IN LAIH)

Zomi State sungah Zomi khuapi Tonzang panin CNA in kikwmna leh sum leh pai ngahna lampi in hong zat sakna munin Tonzang khuapi ah phual hongsat uhhi. Tonzang khuapi ah Zomi kuamah ki deidanna om peuh lah loin kum 2021 Kawl gam Burma hong buai ciangin CNA in Zomite’ sungah zat theih dingin mimal in sum leh pai tawh na hong sem hi. Pa Thang Suan Mung in hih bangin Burma thuneihna kumpi hong buai ma hun lai-in tu’ hun a a lungsim puak pen ni neilo ci hi.နွေဦးတော်လှန်ရေး hun bei ciangin hauhna in anei om dinga, sihna leh gam sungah ngongtatna in anei zong om ding cih pen singnuai thautawi te lungsim omsa khat ahihi.

Zomi sungah kikhenna hong guan gam dangah Nupi leh Papi phon zong a khoih thei lo tengin live ciang tawh thugenin khangthak te’ tungah ngaihsutna hoih lo khaici tuh ahihi. Gam dangah Zomite ki tun ciangin ko Zou te, no simte, cih dan a ul tungah phadiak Tonzang kuam neh lamah Phaitu, Salzang leh Gamngai khua te panin pawl khatin kikhenna kimuh dahna kam tamzat pha deuh uhhi. Gam dangah Zou leh sim kikhen loin khangthak te hun AI hun ahih zah sung leh pu cih bang tam mahmah ahih manin pilvang huai Zomite sungah theih huai thu khat ci hi.

Lem lawhna om khak leh cihna hangin Pa Thang Suan Mung in CDF/Tonzang panin Zou galkap cih min tawh kipan a, gam dangah tun Zomi te khat leh nihin panpih sam ahih manin tua te nek theih nading lampi khualna tawh min laih hi. NUG/PDF kici ZFU te zong mipi galkap pan lakna panin minam galkap minam zingvai tawh thulu khek kik pak uhhi. Panpihna taktak minam sungah om lai thei bek ahih manin tua loin NUG tung panin tuinak a kaang pianpian khinta uh ci hi.

Burma(Myanmar) buaina Spring revolution နွေဦးတော်လှန်ရေး thautawi khempeuh hong bei kuankuan ahih zah khatin mailamah makai teng mihau vive nong suah khak loh ding uh cih muh kholhna om hi. Kum dangin a om ngeisa khat thu hi a, hih bangin thautawi te hong khawl ciangin makai te mihau pipi hong suak ahih manin နွေဦးတော်လှန်ရေး hun sungah sumte a tunna taktak ki thei cian pan ding ci uhhi.

CNA lamsial sakna a tawn kha kipawlna pen supna in zui ham tang ahih manin CC makaihna Zogam ah beileh Zomite kilemna om ding cih pen Zomite’ oam etna hi. နွေဦးတော်လှန်ရေး hun sungah thautawi makai teng zong metna ahih keileh ngah nading lampi khat teitei a deih manin kipan ahih manin tua loin minam vaiah vei na taktak in Zogam azun nuam taktak asepna om ngei nailo vive uh cih pen kimu thei ci hi.

နွေဦးတော်လှန်ရေး hun sungah makai te mi hoih vive uh hi, ahi zongin a nakpheh tawh alen te siam ahih manin a deihdeihna hong zang thei ahih manin eite innkuan sung buaina hong tun hi. Humpi-in gamsa zangsialte ahon in om ciangin neh zo loin man zo lo hi, gamsa zangsialte kikhen leh kihon ding omlo ahih manin tua hun ciangin Humpi-in khat khit khat mat nopsa hi. Khangthak hunah ngeina leh pau kibang Zomite sungah kum 45 – 60 gual tengin Phone zong zat siam nai lo pipi in khangthak te khem sawm hi. Khangthak Human Rights hunah kilemna leh minam kizahtakna tawh leitungah thu kigen zaw hi.

Read more news

www.zbc.news

#Correspondent#haukhup