TEDIM KHUAMITE LUNG SO

(Kilemna deih mite in kilemna tawh apatkul)

Zomi State, Zogam sungah mipi lung muan nadingin Zogam Charter siksan minam galkap leh makaite kalsuan laitak in Zogam sungah singnuai thautawi te khut nuai panin sihna hong thuak mipi hong tam pian ta ahih manin mipi lakah hih dan thute lung hi mawhna om kawikawi cih thukiza hi. NUG/PDF thautawi singnuai mite tatzia ding pen a kipat un hih bangin hun tawp lam ciangin hong gam tang ding cih pen live khawng kigen nge khinsa thu mipi muh khitsa ci hi. Thautawi leh thautawi kikap tuahna ah gualzawhna kua in ngah ding cih pen mipi ten theih cian masak huai thu ahihi.

NUG/PDF kicii Zomi singnuai mite hanciam na taktak in Kawl kumpiSAC zunglotin ukna thuneihna bullo ding” cih pen a kipat cil in hih thu tawh hong kipan khia zuahzuah uh a, mipi galkap ka hih manun mipi te kem ding mipite daihna om nading cih tawh diang khia duamduam hi mahleh hun sau lam kum guk hong kai ciangin NUG/PDF kicii Zomite bangin fund zonna in ” Minam zingvai minam hawm ding cih danin hong kipan kawikawi-in mipi tungah sum ngen hi. SAC zunglot in ukna thuneihna cih te tam gen nuam nawn loin haksatna hong tam ahih manin minam lakah siatna dahna tawh khitui luanna kibehlap sak uh ci hi.

Zomi makai te sepna leh singnuai mite sepna kileh bulh linlian ahih manin tupna thu kalsuan pih Malaysia KL Khawmpi panin Zogam Charter in Zomite pianna khua leh tui a akipan bit dingin khuapi te dal ding kem cing cih pen laithei khatiin a san theih dingin kilawm hi. Singnuai mite tupna in koi panin kipan hiam cih pen Hakha CNA vaihawm na panin hong kipan ahihi. Hakha in CNA hong zang nawn loin CJDC hong phuankhia a, tua tawh kip loin Chinland Council cih tawh panin tua nuaiah singnuai mite kizom lo kuamah om lo hi. Hakha ten nakpheh panin a letsa uh ahih USA gam khawngah singnuai mi makai te Indianapolis khawngah kihel den uh cihi.

Pu Thang Khan Dal sihzia iin thunungah buai huai mahmah dingin kilam en hi. NUG/PDF lut kua teng cih zong Zomi sungah ki theih lah om loin Tedim pansanin buaina phulakna thu ging hiauhiau ta ci hi. Mi khempeuh thusim pauk dalan cih mawhsakna tawh nasep kipanin sihna tuak sakin leitung thukhun tawh kituak lo zahin nasem ngamte asep laitak thuman nasem kisa kha ding uhhi. Hun pai to leh hih sihna tuak minam sungah kibawl siatna hangin mimal kimuh khelhna nunggu in hong zop loh ding pen koici bangin pan lak huai cih pen mipite in ZPCC/ZRAEC tungah lametna nei hi.

Pu Thang Khan Dal pen sihna ciang thuak bek hi loin bawlsiatna nas siatakin a pum tungah om ahih manin a kampanin alei kitaann sak, Hatangh teng kilak khiat sak, liamin amah tuam ahih manin thubei mawh ding tangthu hong suak ci hi. Sialtal khat kigo leh kikap ziau lel himah leh mihing khat bawlsiatna hi zahiin thuakna om cih pen miipi-in thuman kisa nawnlo uh ci hi. Pu Thang Khan Dal luangman leh a dam lai-in sum leh pai apiak khak te kisik kik leh tawm lo ding cih thu ging ta hi. Mipi galkap NUG/PDF pen Kawlte khemna ahih manin SAC thuneihna hong kip nading lampi ahih zawk lam pen ki lang zaw suak hi. Kawl mite khempeuh in deih nawnlo ahih kei buang leh minam tawm no khat kipatna tawh Kawl kumpi vado pen kum tampi nasem sa khat ahih manin tual sung buaina ciang tawh kilawh tak lel ding hi.

Zomi Revolutionary Army Eastern Command ZRAEC in khuapi te hong kemin daihna hong masuan zawh semsem nading Tedim khuapi sungah om mipi in panpih in thunget sak ni’ a hangin khuapi kangtuum takpi leh koiah kibeel ding cih pen muhsa ahih manin minam galkap te an huan khat kisapna cih bang a huh thei dingin han ciam huai ci hi. Chinland Council tupna cik mahin ZPCC/ZRAEC deih peuh mahlo ahih manin mipi-in na theih kei phial uhleh makai te ngimna leh lampi panin lel ding kisam hi. Hakha in spring revolution hun sungah Chinland Council hong bawlin tua peuh thupi ngaihsutiin singnuai mi thautawi te pawl khat Zomite ki pek langlang uh pen hong khem khin lua ahihna hang hi.

Zomi Khawmpi International Malaysia hong lang pan theih loh manin spring revolution hunah Hakha te pen amakai te uh na siam zaw veve uh ahih manin mi pawlkhat hong zatsak khial hi. Hakha lamah gam deih tuam om henla ZRAEC hong bawm zenzen leh CNA pen lungkim peuh mah lo ding hi. Hakha in ZICKL khawmpi kum 2019 pen a kihtak mahmah thu khat ahih manin tua hunin lang pan theihna leh mite khem theihna om lo hi. Kum 2021 ciangin Hakha in sum hong nei ahih manin biakna sumte leh NUG kiang panin sum tampi ngah in tua tawh Zogam a tok nawi nuam Kawl te zat ngei ngian a zang danin kisin hi. Hih pen ZPCC/ZRAEC tel lua ahih manin tua kawmin Hakha te pen NUG panin hun asak teh SAC tawh kilemna hong bawl pak ziau hi. Chinland Council tawh mi dangteng galdo sakin CNA in SAC tawh kizopna thupi tak nanei mawk hi.

Zomi State, Zogam sungah Zomite sihna leh dahna hong tun thei singnuai mite hun a bei lam ahih manin pilvang takin ngontatna leh mipi tungah siat tatna pen note leh na innkuan te tungah thunkhenna in hong zui ding ahih manin Zomite sungah terrorist te bangin kuamah gamta nawn kei un, Zogam bit nading Zogam Charter ki theih mawh bawl loin i gamah nopna leh daihna sawt loin om ta hen, gam dang panin Kawl kumpi SAC tawh kikapna cih te hong dai un ko na gen thei mahmah phot ung ci-in nuntak haksatna tawh mipi te lung neu mahmah ci hi.
Zogam panin ZBC News Pa Suanpi, Zogam din mun!

Read more news
http://www.zbc.news

correspondent

ZBCNews

everyonefollowers