ZOMI INNKUAN U.S.A. ZIUSA

(ZIUSA makai te hanciamna 2026 Scholarship)

Leitung pilna leh siamna sinna sang panin pilna sang lamah sinna nei ZIUSA kipawlna panin panpihna huhna ngah kum simin kipia thei cih thu kiza hi. Hih bangin piak zawhna pen USA gam sungah kipawlna pawlpi sawmli leh guk in kumsum leh tangmi leh pailai te kihelna tawh kipawlna local panin hanciamna hangin ci-in makai khatin gen khia hi.

ZIUSA pen Zomi kipawlna pawlpi lakah thukhun leh ngeina dik takin kalsuanna tawh kilam ahih manin tua hangin tu’ ciang makaihna sungah kikupna leh Taangmi leh Palai cih bangin innpi cih bangin kikhenin kikal suanin gen hi. Thukhun in ninam Identity bulphuh in minam kician hihna tawh kilam kipawlna picing pen khatin kiciam teh hi.

Zomi Innkuan USA in kum nih halin makai kitelna om a, kum nihin khatvei Zomi Khawmpi kibawl in tua laiah USA gam panin Zomite tamna pen hong suak in thupi-in local media te dongah apai thei uhhi. Zomi Khawmpi kum nih khatvei ciangin kibawl ahih manin makai ten a khual atual panin Zomite lampi honsak in pawisim dingin sap theih zahzah samin visa ngah te khawmpi sim in hong pai ci uhhi.

Kipawlna in thuman leh thukhun bylaw kician tungah kumpi theih pih zahin kipawlna ahih manin tu’kum 2026 Zomi Khawmpi pen abeisa kum te sangin thupi zaw in kibawl dingin makai muan huai khatin gen khia hi. Makai panmun nei tampi om a, tuate hong kilaih to zelin hong picing sak semsem dingin makai muan huai kitel zel hi. Zomi Innkuan in Zomite ading limbelh muan huai khat leh minam ading kisapna ah apanpih theih dingin mipi muan mahmah khat hi. Zomi kipawlna Local ciat panin picing takin Innpi nuaiah vaihawmna te kizahtak sakin kalsuanna hangin nasep hoih tampi kum 2026 ZIUSA Scholarship pen khangthak ten nop tuampi thei ci-in makai pite khatin gen khia hi.

Zomi Innkuan USA khawmpi kum 2026 pen mipi kilawp in Idol leh Zolia leh Zotaang kitelna cih te ah kibuai khin mahmah ci hi. USA gamah tu’ kum pen FIFA World Cup hong tun kum zong ahih manin gam ki buai mahmah in mi tam mahmah ding ci hi. Zomi Innkuan USA khawmpi sim leh apai ding peuh mah nasem te zong makai te tungah tua sung off theih nading paitheihna lai ngengen ta ci hi.

Read more news
http://www.zbc.news

correspondent#Thomas Piang

everyonefollowers

ZBCNewsusa