(CNA/CC makaih in mite kido sak hi)

CNA/CC terroristin apanpi leh a pattahna singnuai mite khawlsan leh kilemna om ding baih ding hi. CC khemna leh zuau kimawlna hangin khangno tampi kisia khin ahih manin mai lamah CC tawh kalsuanna hangin sihna leh Zogam leh kiim leh pambuaina omte bei ding cih pen muhna kiza hi. Zomi te mun leh mual lamah thautawi khat peuh a omciangin amun ngak leh a gam neiten a hawl khiat ngeina ahih manin Zomi State sungah daihna pen a om theih baih nading CNA/CC in kuamah panpih loh ding pen gamsungah thuthei khat Zou Khup in ZBC News correspondent tungah deihsakna thupuak hi.

Adiak in Zogam sungah minam lakah thautawi leh singnuai mite tungah panpihna apan khia leh asem asum apai tawh apantah taktak bulpi pen Chin National Army CNA panin hong Zogam sungah singnuai mite hong kipan khia hi. Khalkha CNA in a tupna taktak pen SAC hun sungah kizopna thupi takin nei-in Zomi khuapi Tedim ah zuum khawng nei thei-in tua kawmin Zomite lakah thuneihna leh sep nopna tuamtuam pen lam tuamtuam tawh hong sem khia uhhi.

Hih singnuai mite apantah leh amakaih taktak pen CNA hi cih pen gamvai sungah kihel te in abulin a et ciangin kum dang pek panin CNA pen metna leh mimal ngah nopna bek tawh political kimawl ahih manin Zomite bangin saupi khual lo zaw uh ci hi. NLD hong khan ciangin hamphatna pen Chin State zuum omna Khalkha panin kizek ding ahih manin tua laiah amau inn tekna suakin Zomite ading hamphatna teng hong khak tan sakin Zomite sepna nuaiah thuman in nungzui ngeilo te uh ahihi.

Myanmar gam sungah kitelna hong om ciangin Zomite in NLD in apia om a, NLD i tel keileh Zomiten Democracy ngah lo ding cih dan theihna muhna toi om ahih manin Zomite zong khua muhna niam mahmah kawmkal ah kikhen zelzel uh hi. Myanmar Kawlgam sungah kuakua in minam kim tek panin kitelna leh minam party zui-in kumpi tawh kizopna te a kibang ahihi. Zomite in minam party leh makai te i tel manin hamphatna taan ding cih om tuan loin suahtakna pen kuakua i bel zongin Zomite ki phelh tuan lo ding ahihi.

Zogam sungah hong pantah leh Zomite siatna leh mimal hong kap lupsak Khalkha thautawi CNA kipawlna in ngongtat thautawi Iran te bangin Zomite hong pattahsak uh ahihi. Kum 2021 panin CNA pen zaam kawikawi-in Kawl galkap SAC thuneihna om sungin kipawlin a deih bangin hong sem a, NLD thuneih sungin a deih bangin hamphatna teng NUG tung tawn in ngah in CDF/PDF leh tuamtuam te tungah Zomi khenkhapna hong pan hi. CNA in SAC tawh kikap ngei peuh mah lo pen theihsa hi a, ahi zongin a sunglamah Tedim, Zogam pen akiam nading leh sum leh pai ngahna mun teng a luah theih nading thusim asem ahihi.

SAC kapin deih lo takpi ahihleh Zogam lamah ZRAEC hong kap nading om peuh mah lo hi. ZPCC/ZRAEC policy Kawl kumpi tawh kikapna leh kidona masuan lo cih pen amau genna panin ki thei a, CNA makai minsel CC in kipawl hi cih bulphuh tawh Zomite hong kap dihdih mawk pen Kawl kumpi zunglot nading tupna lampi khial khinta cih pen makai Zo khup Taithul in gen khia hi. Hih pen kum tampi ki encik ahih manin tu’ hun lam ciangin thautawi singnuai mite panpih leh amakaih taktak CNA / CC ahihna kitel semsem hi.

Zomi State, Zogam sungah daihna leh kilemna om nadingin CNA lamsialna zui kha peuh mah Zomi galkap in Zogam sungah Zogam Charter acih tawh kituak in nasep kipan cih pen a thusuahna panin ki mu a, tua hangin CNA makaih leh pattah thautawi te pen tupna leh maban bei dong thei ding hi. SAC tawh kikap ding kiimlai takin ZPCC/ZRAEC leh SAC kipawl cih dihdih mawk pen bang hangin thuthuk thei lo uh hiam cih pen amakai te siamna in akhem cip kisuak mai ta hi. Zomi State sungah CNA panpihna khak tan ding, apattah thautawi te khawl sak ding, CNA in amau gamah amau politics pen asep dingin thuman hi ci uhhi.

Read more news
http://www.zbc.news

correspondent#zokhup#cna

ZBCNews

everyonefollowers