KAWL KUMPI MASUAN TONZANG
————————————————-
(ZRAEC TONZANG KEMBIT DING)

Kawl kumpi-in NCA a kaih khop hun ma ciangciang amun amual pawl khat lut kik zawh nading han ciamin sawm kawikawi uhhi. Tedim khuapi pen haltum dingzahin a tangko ciangin mipi deih lohna leh galtai nuam kuamah tu’ hunte ut nawn lo ahih manin inntek gamnei te kiangah Tedim Khuapi dalin kembit un tua ahih kei aleh hong kap omleh inn khempeuh haltum ding hi ung! acih pen hong om loh nading Zomi Revolutionary Army Eastern Command ZRAEC in thukin takin Tedim khuapi mun thum ah EC galkap ten manlang takin aluah uh ci hi.

Tonzang khuapi zong tua mah siksan in SAC in na sep sawm ahih manin CC sepna hangin Tonzang khuapi ah supna leh baina om loh nading Tedim khuapi mah bangin CC te kikhem khia in inntek galkap EC ten aluah nadingin Kawl kumpi thuneihna nuai panin Tonzang khuapi lut sawmta cih thu kiza hi. Kicianin theihna om lian loh hangin ZRAEC khuapi kimah din khinta ci hi. Inn khempeuh haltum ding pen ZPCC/ZRAEC in minam vai amawh puakna ah apian loh ding pen a han ciam penpen uh cih gen khia hi.

CNA/CC in Kawl kumpi tawh kikemna a bawl khitsa ahih manin Tonzang panin a kap zenzen leh SAC in CNA tungah thukimna khamawlsan ding ci hi. CNA in amau khut tung panin kap ngei peuh mah loin CC panin khutzat thautawi tengin CNA mawhna teng amau apuak sak uh cih dan in gen hi. Zomi State, Tonzang khuapi pen hun beisa lai-in CNA in luah a, Zomi galkap zong liam leh bai ki tuahna mun khat ci uhhi. ZPCC/ZRAEC in kuamah mi dangte gamah galsim leh mun kek sawm loin Zogam cihna sung khempeuh ah bitna leh kembit ding cih pen amau kalsuan pih policy khat ahihna gen hi.

Singnuai mi thautawi khempeuh Zomi Revolutionary Army Eastern Command ZRAEC in a not khiat zawh nading Zogam panin mun kimah pan alak den khat uh ci hi. Amau policy ah Zogam cihna sungah Eastern Command ciang bek theihpihna official in nei uhhi. CNA tawh kizom tengin SAC do ding bekbek hanciam a, ahi zongin CNA pen SAC tawh ceasefire agreement သဘောတူညီချက် pen a bawl uh kilem nading anei ahihi. Tua bang pi mahin molhtum dingin CJDC hong panin tua tawh lem khin asak loh ciangin Chinland Council CC tawh hong khek uh a,deihna munmunah kipawlpih teng letmat thuh khawmpih thumimna omsa bang in thupiakna thukimna bangin singnuai mite hong gam tang sak uh ahihi.

Tonzang khuapi pen bitna leh daihna om zo dingin kilam en hi. Tonzang zong vutlehvai suah loh nadingin a hun lapin ZRAEC pen khuapi lam neh mahmah ci-in ki thei hi. Zomi Revolutionary Army Eastern Command ZRAEC din mun taktak pen Kawl kumpi-in a tel lua ahih manin langnih kido na masuan hi loin deihna thutawh nasepna ahih manin Zomiten minam galkap i neihna leh minam leh gamke kician a suah theih nadingin kikapna tawh thu gen sawm nailo ahih manin Kawl kumpi-in zong ZPCC/ZRAEC te policy tel ahih manin hong kap masa tuan lo ci uhhi.

SAC in ko hong kap peuhpeuh thautawi tea omleh khua sungah inn leh loteng haltum ding cih pen abeisa leh mai lamah sep ngeithute ahihi. Tua bangin inntek gamnei ten na deih tuan kei uhleh na khuapi te uh dal unla kembit un, a cih ciangin ZRAEC in hong dalpih tetawh adal khawm hi a, a pawlpih adalpih omleh nasem khawm thei uh ahihna makaite thugenna panin ki thei hi. Tonzang khuapi bit ding ahih manin lametna abat leh mipi te nopna daihna om dinga, galtai patau te’ inn lam zuan kik thei mai dingin lametna leh mipi deih sakna om ci hi. ZBC News, correspondent HauKhup.

Read more news
http://www.zbc.news

Correspondent#haukhup#tonzang

everyonefollowers