ZOMI STATE SUNGAH ZRA EASTERN COMMAND
——————————————————
(Mipi neihsa te ZRA EC min paulapin azangte)

Zomi State, Zogam sungah thautawi dingin kinei EC sung panin a taikhia bam tengin gam dang panin holh thawhna leh EC sungah sumnek zon siamsa minam galkap asem hon khatin tualsung mite neihsa laksak in ZRAEC ka hih manun kong ap kik ding cih paulap in khua pawlkhat ah hi bangin gamtatna om ci hi. Zomite gam sungah hi bangin Zomite khat leh khat neihsa leh mawk gamtat ding cih pen ZPCC/ZRAEC policy tawh kileh bulh khat ahihna makai khatin gen cian hi.

Zomi Revolutionary Army Eastern Command ZRAEC min zangin hamphatna danin zangin min daisak nading asem hi bangin ataikhia minam vei bangin kineih thautawi te ading EC deih peuh mah lo cih kiza hi. ZRA Eastern Command in hi bangin mipi neihsa leh vante mawk zat nawn loh dingin kihan ciam in kikal suan ci hi. Tua ahih manin gam dang panin minam vei kineih tuipi gal panin Zomite gamsung a uk leh a control nuam mite makaih leh tawsawn thautawi ZRAEC min zangin om khak leh man langtak in ZRA EC kiko thei ding cih hi.

Zomi Revolutionary Army Eastern Command ZRAEC in khua tuamtuam ah tungsiah theihpihna om loin kuamah van leh na laksak in zat sak ding pen galkap thukhun tawh phalna loin kizat sak theilo ding ci a, tua mah bangin Eastern Command min zangin mipite’ neihsa leh van hong kawmin hong laksak te ani leh anai te ciamtehin ZPCC/ZRAEC makai te tungah theih sak dingin tual sung mi khatin gen hi. Zomite gam State gamke kician ngah nading kalsuanna ah Zomite din mun pen makai te sangin mipi mimal ciakna ki bil dawh zaw a, ahi zongin CNA nasep danleh ZPCC kalsuan dan mipi lungbuai mahmah ci hi.

Tuithang ZBC News correspondent Sian Deih in kician pulak hi, ZRAEC ahih nak leh ki thapia nuam a kisep sim lo ci hi. Hih EC min zangin mipi van zangin a uniform te selin van kawm te in ZRAEC ka hih manun ka makai te un hong sawl hi cih paulap zatna omleh theih sak ding thupi ci hi. Zomi Revolutionary Army Eastern Command ZRAEC in tungsiah leh makai te phalna om loin hi bang danin tu’ lam ciangin kuamah mipi nawngkai sak lo ding pen a han ciam leh aki enkai ahihna pen galkap makai khat in gen hi.

ZPCC/ZRAEC min zangin khua sungah nekna leh mipi neihsa zat sak thei pawl khat na theihleh makai te tungah report piak huai ci-in Ngalbual tualsung mite in gen hi.

Read more news
newsroom@zbc.news
http://www.zbc.news

correspondent#siandeih