KAWL KUMPI UKNA ZAI KIK TA

(SAC KHUAPITE A LAK KIKNA )

Zomi State din mun gamke kilawm zawh nadingin hanciam ZPCC/ZRAEC galvai tawh kisai-in CNA in hi bangin nagen hi. Zomi State sungah Tonzang khuapi pen ZRAEC alak nop pen sawt mahmah khin a, CNA leh CDF te ka-om uh ahih manin hong lazo pak lo uh ci hi. Junta galkapte in vantung lamah drone tawh thahat takin hong galpan ahih manin, Chin revolution CDF/PDF galkapte in aphualsatna uh Tonzang khuapi panin May 19, 2026 nitaklam in tai sanin nusia uh ci hi.

ZRAEC in SAC tawh kipawlin sem masa tuan loin amau gam leitangh kuamah thautawi a om ding a deih loh uh pen sawt mahmah a, amau galtha tawh sem khin zo lo uh ci hi. Amau in tung lamah drone tampi zang uh a, galkap pawl li bangin hong kimkot uh hi. Inn tampi zong siatna tung a, akidal zawh nawnloh manin zan nitak lam ciangin Tonzang khuapi panin CC/CDF te kapai khiat san uh hi,” ci-in CNA ten genna Salai Htet Ni in May 20, 2026 ni-in Mizzima tungah gen hi.

Tonzang galdo pen junta galkap leh ZRAEC kipawl in asem hi tuan loin CNA leh CDF in SAC ki deihh loh manin om zawh tan Tonzang khuapi kingak uh ci hi. Zomi Revolutionary Army Eastern Command ZRAEC pen kimawl siam ahih manin SAC-in khuapi a nawk ciangin amai ah na tai-in khuapi te uh nadal singnuai mite khut panin na dal masa a, SAC in bomb a khiat loh nading asiat loh nading nasem thei uh ci hi. May 11, 2026 ni pan Tedim leh Cikha lam panin SAC te galkap zathum bang hong galpai uh hi. Nidangte ah drone tawh bomb khiat uh a, May 14, 2026 ni-in leilam gal kidona thahat mahmah khit ciangin junta pawl in khua hong uk kik uh hi.

ZRAEC te ahihleh SAC tawh kipawlna nei loin amau mun leh mual aluah zawh nading uh pen State Administration Council SAC in alak kik sawm pen mapen kum 2023-2024 in zong ZRAEC in CNA tungah thupiakna leh ki hem un cih pen zaksakna bawl ngei uh a, galtha tawh tamvei a sawm uh pen lem loin tu’ tung May 20,2026 hun ciangin politic siamzaw ahih manin SAC sem khawm ahih loh hangin kimawl siam uh ci hi. Zomite ading ZRA leh makai te in kipawlna tawh sem loin a tuam takin amau mun a ngah nading leh thuneihna Self-determination khat ahih keileh Autonomousကိုယ်ပိုင်အုပ်ချုပ်ခွင့် khat ading Zomite ahanciam lua uh ci hi.

Tonzang galkidona sungah Junta pawl misi leh aliam om hi cih ki theih hangin zakna kician pen kiza thei nailo hi. Chin CNA/CC tawh kipawl galkapte lamah galkap nih si uh a, mi khat liamna nasia mahmah ahih manin lauhuai dinmun ah om ci hi. Hih gal kidona ah CNA, CDF-Tonzang, R-CDF, KKG leh Thado lam te kipawlin kizawn mahleh SAC in lah kap a, ZRAEC in zong kap tuah ahih manin amau lamah adiak in SAC sangin ZRAEC galsiam zaw ahih manin tua munah kilau thawng zaw ci hi. SAC ahihleh amau van hau in aphual panin supply pen khauh pai a, galkap lamah Eastern Command pen kilau zaw ci hi.

Junta propaganda channel te ah zong, Tonzang gal kidona sungah CNA galkap nih anungta in man uh a,
CC revolution galkapte in April 25, 2026 ni-in Falam khua zong junta khut tungah khahin mansuah uh a, hih tawh thakhat sungah khuapi nih mansuah ta uh hi. Falam khua pen junta pawl in 2025 October tawp panin kem to uh a, galkap tulval bang tawh tha guk val sungah hong kap uh ahih manin oltak ngah kik suak hi.

Tua ciangin Junta pawl in Falam a-uk khit uh ciangin Falam-Hakha lampi lamah hong galpai lai uh a, CC galkapte in lampi panin hong pai-in kikapna nasia takin om uh a, Hakha township Chun Cung khua kim lamah hong pai zo nawnlo in kimkot uh hi ci-in Salai Htet Ni in gen hi. Tedim pen ZRAEC in amau politics phualpi ahih manin amau hanciamna ah huai bit dingin agelsa uh hia, SAC tawh kisem khawm lo uhhi, tua hangin kithukimna nei loin amau Zogam thuneihna Zogam Charter tawh politics kimawl ahih manin picing zaw ci hi.

Chin revolution CB galkapte in Falam khua pen kum 2025 April ah hong la uh a, Tua zomah Tonzang pen kum 2024 May ah hong lak uh ahihi. Ahih hang tu lam ciangin hih khuapi nih hong mansuah uh manin, Tedim leh Tonzang Zogam pawlkhat ZRAEC leh SAC junta pawlin ukna hong nei kik uhhi. Tonzang pan aki nutsiat zawh CNA kipawlna galkapte pen hong kikhawm kik uh a, township sungah gal kidona huzaap om lai hi. Gal kidona dang zong hong thei lai ahih manin tu lamah kinusia khin uh ci hi.

A thu dang khat lamah Junta propaganda pawl in 2026 tawp ciangin Chin State leh Zogam pawl pumpi hong lak ding leh Rakhine State lam zong hong lak kik dingin kipan uh hi ci-in gen khia uh hi. Tu ciangciangin zong Chin State sungah om Mindat khua leh Kanpetlet kimvel tengah SAC galkapte hong om uh ci hi. Zomi Revolutionary Army Eastern Command ZRAEC in minam gam na hum bit thei a, a politics vai sai-ah ZPCC in amau ngimna sungah maban kimawl siam manin SAC thahatna lakah amet lak siam uh ci hi. CNA in hih dan azat siam nop hangin CC lamah leh CB lamah vai hawmna pen tu’ lam ciangin amau muntek ah mite tawp san khin dingin om ta cih Mizzima panin kimu thei hi.
Read more news
http://www.zbc.news

correspondent#tuangpu

everyonefollowers

everyonesharelike