ZOMI ZOGAM IT (patriot)TE IN ZRA-EC SIALTALPI KHAT GAWH DING
—————————-
May 19, 2026 ni in Zomi galkap ZRA-EC in Zomi khuapi nihna ahi Tonzang khuapi migilo ngongtat CNA leh a pawlte, CNA khut nuai a om CDF Tonzang, PDA cihte khempeuh hawlkhia khin in Tonzang ki luahtkhin ta hi cih tangko khin uh hi. Lungdam pawi kham dingin Sialtalpi khat ho ding cih ZPCC Media tanute tungtawn pan kiza hi thupi leh nasia mahmah mawk hi. https://www.facebook.com/share/p/1CvdLcEqk8/?mibextid=wwXIfr

Galdona in Topa hi a, Gualzawhna in Topa a ahih manin Topa ompihna Zomi langpang namdang migilote Zogam pan ki hawlkhia khin zo ahih manin Zeisu min in tawh lungdam kohna pawi kikham ding ci hi.

Hih gualzawhna ah Zomi bup ki lemna leh ki pumkhatna omna leh mite suktuahsa in Zomite omnawn lo in khat leh khat ki itna Zomi sungah a hong khan semsemna hi ding lamen hang. SIM leh MAAL, leh ZO etc… cih bangin ki deidannate a bei siangna hi dingin lam etna om hi. Zomi khempeuh ki pumkhat sakhat unau sanggam lai-guizom khat hi hang cih pen kua mah ki muhlhelhna ding om peuh mahlo ahih manin Zomite pilhuai leh theih huai mahmah hun ta hi.

Tonzang gualzawhna pawi sialtalpi gawhna ding pen minam a it minam vei (Haitui Zogam Kembit Pawlte in) te in a mau ipsung sawk ngiatin Topa Zeisu tungah lungdam kohna pawi kham ding cih thu ZPCC MEDIA tungtawn pan kiza hi. Hih banga ki piakkhiatna pen thupi leh etteh takin zahtak huai ciin huai mahmah kisa hi. A piakhiate zong thupi thei mahmah hi.

ZBC News
Correspondent Tg. Zo Do
http://www.zbc.news