SEN GAMAH MINE PUAKKHAM

———————————————

BEIJING (ZBC) China gam saklam Shanxi province sungah coal mine mun khat gas puakkhapna lianpi khat piang ahih manin mi sawmkua sang tamzaw si uh ci-in state media in Saturday ni-in gen khia hi. Hih pen kum tampi sung ah China gam ading pen mining puakkhapna tuahsiatna piang vat ahi hi.

State news agency Xinhua in, Changzhi khua sung la om Liushenyu coal mine munah Friday nitaklam in hih tuahsiatna accident piang hi ci-in gen hi. Tu hun laitakin nasep a sem mi 247 ciang om uhhi.

Sani nitaklam ciang dongin puakkhapna miners phual munah mi kua ki mu nailo lai uh hi ci-in Xinhua in gen hi. Mi zaleh sawmnih sangin tamzaw ding zato hospital ah kikem in kipuak pah uh in gen hi.

Gas puakkhapna bang hangin piang hiam cih pen kikan khiat laitak hi ci-in Xinhua in gen a, tua banah mipi te honkhistna nasem te zong manlang leh thahat takin kizom sem lai uh hi. Rescue team leh medical staff nasem a za asim ding mi tampi tua munah kisawl uhhi. A liamte lakah tampi pen gas sia huai-in liam uhhi ci-in CCTV state media in gen hi.

China President kumpi Xi Jinping in, puakkhapna munah a mangte zong a kimuh siang theihna dingin vaikhak banah han ciam takin nasep ding thu sawl hi ci-in Xinhua in gen hi.

Xi in tuahtaiatna accident thupiang vai thu zong hoih takin kan lding leh banghangin piang cih thu kicing kimtak kankhiat ding leh thukhenna leh dan zong tawh kituak dungzui-in bawl dingin sawl hi ci-in news agency in gen hi.

A nung ciangin Xinhua in, “mine tuahsiatna accident tawh kizomin company in mawhpuakna nei mite pen thu kikhenna bawl dingin koih uhhi” ci-in khua sung patau nasem te in local emergency management bureau thukhun siksanin gen uhhi.

Hih coal mine pen Shanxi Tongzhou Coal & Coke Group in avaipuak hi a, kum khatin coal ton million 1.2 khawlsak thei hi. China National Mine Safety Administration in 2024 kum ah “gas tampi om” mine ci-in disaster-prone coal mines list sungah koih hi.

Shanxi province pen China gam ading coal mining lian pen munpi province khat ahi hi. Greece gam sangin lianzaw a, mipi million 34 kim teng uh ci hi. Kum khat inah miners tul tampi-in pianga coal ton billion 1.3 kiim lakhia uh a, tua pen China gam buppi coal a zahthum bangin nung kum sungin tam ngah zawkna suak uh ahi hi.

Kum 2023 February kha China gam saklam Inner Mongolia khuamun kim ah open-pit mine khat mah puakkham-in mi sawmnga leh thum si uhhi. 2009 November kha-ah zong China gam northeast lam Heilongjiang province tengah mine puakkhapna mah tua munah piang khin a mi zalehsawm leh giat si uhhi ci-in state media in gen hi.(AP)

read more news

www.zbc.news

#Correspondent#sengam#