PA HAU LIAN KHUP IN TONZANG AH MINE SIKKHA SI

ZRA EC in May 21, 2026 Tonzang a luahna uh ah CNA leh a nuai a thautawi neuneu a pattah CDF Tonzang cihte in mipi khuallo takin khua sungah bomb, mine cihte koihzak kawikawi uh ahih manin Tonzang Tuitum khua sungah Pa Hau Lian Khup in May 23, 2026 ni i. siikkha ahi manin ong nusia pah ci hi.

CC kici pawlte in Zomite khual hetlo uh ahihna leh mipite hehpih hetlo uh ahih manin khua sung ah bomb leh mine siah kawikawi uh in mipi ading lauhuai ahihna ZRA EC in pulak khia uh hi. Tulai tak Tonzang khuasung pen Zomi galkap ZRA EC in a siansuah suah laitak uh ahih ZRA EC makai te tung pan genna om hi.

A sawtlo in zong Tonzang ah muanhuaina ki ventheihna a om ciang mine siahteng ki siansuah khitciang mipi lungnuam takin inn lum lo lum ki ciah theita ding cih zong gen khia hi. Hih tawh kisai ah a lem hunhun ah ZPCC Defense Zogam galkap ZRA EC in zong gen khiatna (statement) kong khahkhia ding uh hi cih tangko khinta hi.

ZBC News

Correspondent

Tanute.