A ZUA LUANGPHAM IN HANMUAL KHA

———————————————————

(Makaipi ZRA/O Pu Thang Lian Pau)

Pu Khat Khan Thang Tangthu

Tomkim May 25,2026

1930 kum in pu (L) Awithang leh pi (L) Chingkhoniang te nupa kal ah gil a gah goutan tapa tangkhat in Mualnuam khua Thanion Sub Division a pianghi. Apulehpa a pat mithanuam hangsan leh chitak mihoih uh ahihi. A pianna pa (L) Awithang TUITAW GAL KAP in pang a, pahtawina dangkapi (medal) tawh inn hong tung kik hi. Aneulai in apan sihsan pah a, pian pih sanggam neihman lou hi. Anu leh apu te khansuahna etkoi na nuai ah, haksatak in hongkhang khia hi.

Aneu lai in School kainuam mah leh khosak haksat ziak in kaizoulou hi. Himahleh a mah kuhkalna leh hanciamna ahi tupguh na tawh amah leh amah laisim hanciam tawm a, lai gelh thei sim thei veve din munah om ta hi. Pathian ompihna leh a nu leh a pute, kepna etkolna sung panin hongkhang lian a, 1953 kum in a it mah mah a zi nu (L) Niangchiin tawh Saptuam dan in kiteng ua, Tapa (3) leh tanu (6) nei uh a, Tu (35) leh tusawn (47) mu man hi.

Mikuhkal, Tugguh, chitak leh thanuam, Pasian Pathian lau leh mihoih hi a, saptuam leh khotang ah a hatlai in kizang dan hi. Mipil leh ciim mahmah khat ahih manin minam sungah buaina khat peuh ah, thu haksa leh thubuai te thukhen asiam mite kilemna dingin thukhen suvengtu in pang sek a, thu dot pen khat ahihi.

Local Saptuam ah pan mun khatpeuh ah Chairman ahihlouh hangin a hunhunin member in pang den ah. Local Saptuam ahih lohna ah zong GUITE KHAWK Chairman tan pha in pang kha hi. Khua sungah Hausa Vaihawm lak ah pang den a mi muanhuai leh mi manpha mahmah a hi hi. Adam nak leh mi mawk om thei hi loin khuavak ma in zingtho den a lou a giah chiangbang un khovak ma in buh leh meh huanmin a, khuavak chiangin a lougiahpihte phawngkhia hi. Nitum khua mial tan nasep pihden nasep kuhkal leh thanuam ahih manin lo ma tung pangin a piang khempeuh buhlehbal a akipan khamval zah dingin Pasian in khokhia sak den hi.

Kum 2014 in nasatak in hong dam loin Delhi khuapi ciangah kibawl dingin zong pai ngei uhhi. Pasian thupha tawh hongdam toto in kum 2020 khit akipan Pu Khat Khan Thang tha leh ngal hatzo taktak nawn lo hi. Kum zong tam simta in mit in khua a muh theih loh tawh vaksuk vaktoh pawt khia zou nawn lou hi. Mya 15, 2026 akipan hong dam loin an leh tui zong deih bangin nezo nawn loin hong ciangin Siavuan Doctor tetawh pangkhawm in a tulehta, a zilehmou ten ittak leh ahih theih bangbangin a kep uh hi a, ahi zongin May 24, 2026 zingsang nai dak 1:15 AM in hong Pa Pasian kiangah huu’tawpna hong nei hi.

Atate:

Niangzaching K/o Nengzapum

(L.) Donngaiman (Agek laiasi)

Nemngaihman Wo Nengkhansawm

Thanglianpau Guite y/o Chiinsianmang

(L) Ngaihauchin (Nungak Lai a si)

Chiindouning W/o Zamkhansong

(L) Thanggoulian Guite /o Niangemmang

Ngaingaihvung Wo Kamkhenpau

Hausuan Guite /o Thangngaivuang

Pu Thang Lian Pau pianna zuapa hangin ZBC News theihna leh ngahna ciangciang Zomi khuapi Lamka panin hong kikhah hi. Minam makaite sungah Zomite’n i dahpih theih dingin azah tak huai Sia Pau gallehsa panin suahtak nading lampi hong pankhia hi.ZBC News correspondent tangin thu hong puak thei B Muan tungah thu kiza thei hi.

ZRA/O Sia Pau in ka dam lai-in Zomite’ ading Topa aw Gamke ki-ukna vaihawm theihna Self Determination ahih keileh Autonomous tan gualzawhna ka ngah ma tenguh hong damsakin ci-in lungtang tawh Topa Pasian kiangah thungetna bulphuhin a nei hi.

Tupna leh siksan deihna khempeuh policy om loin lampi bei thei a, tu’ ni ciangin Zomite’ din munin abeisa kumte sangin minam vaileh nasepna ah Zomite’ ading kisak theihpih mahmah ahih manin India leh Burma gamin hong khen hangin British kumpi-in kum 1944-5 kimah hong bawl gamgi te Zomiten abei nading thungetna hi ding cih ZBC News correspondent in Zomi khuapi Lamka panin hong behlap hi.

Pu Khat Khan Thang luanghawm phawkna in Zomi ngeina dialpuan tuamtuam tetawh a nungah atu ata teng khempeuh khakna nei uhhi. Leitungah mihing te’ ading cihtakna pen na khempeuh snagin thupi zaw Pasian deih ahih manin Pu Khat Khan Thang pen thanuam leh mi ciitao sepna bawlna khempeuh ah thu hoih tawh na khempeuh a zo den nuam ahihi.

Read more news

www.zbc.news

#Correspondent#zomikhuapilamka#