PHONE LINE KIKHAK TE PAWL KHAT NGAH SAK

————————————————————————

ZBC News(ZBC)

Zomi State sungah tu’ ni ciang ZBC News correspondent ngahna leh zakna kician om bangin Zomite thu leh leitung thupiang te suak sak zel hi. Mipawl khatin bang hangin Zomi PDF Zoland te vai gen loin a dnagte lim gen na hi uh hiam cih dotna om ahih manin ZBC News tua bangin kisem lo hi. Zomite PDF te in bang mah thu suaksak ding official in Zomi Broadcasting Coporation tungah ngahna bang mah ki neilo hi. Mipi pawl khatin sep dan deih tuam om bangin ngaihsutna ZBC News kn nei lo ahih manin official na tangko nop leh newsroom@zbc.news tungah kikhak thei hi.

Zomi State sungah tu’ hun ciang thuzak dan ahihleh Zomite PDF te abeisa sungin Kawl kumpi tawh kido na ah tuahsiatna lianpi hong tuakin tua laiah khangno mi sagih bangin a nuntakna hong bei lawh cih thukiza hi. Hih thute hangin Zoland mipi pawl khatin tungah mawhsakna leh thusim te Kawl SAC tungah puak hi, ci-in Pu Thang Khan Dal tungah phulakna hong nei kik pah uhhi. Mipi lamah mipi galkap hihna hong kiamin minam sungah siatna mawhsakna lamah buaina hong om zeuhzeuh ahih manin mipi galkap thapia khengkhatin tawp sak lamah om ta uh ci hi.

Khangno khat zong lamkal ah Zoland PDF in man ahih manin tuapa zong a innkuan pih ten a ciah kik ding bek ngakin aom laitakin a innkuanpih ten tungah dam lo hi, ci-in zasak uhhi. Dam lo ahih manin kikem hi cih bangin a zaksak khit kai lotakin si hi, ci leuleu uhhi. Sihna taktak ahihleh Kachin gam lamah kisawl danin kigen ahih manin Pu Thang Khan Dal zong liamma tawh kidim khit nungah dam lo ahihna tawh si ci-in pulak leuleu uhhi. Zoland PDF in Pu Thang Khan Dal sihna phulakna pen statement pulak khia man uh a, sanggampa khangno pa vai ahihleh a luang aban pen a inn phual zangah tun kik zo lo ci uhhi.

Zomi State sungah Zoland sungah tuahsiatna panin liamna leh baina tuakte kikepna Suangzang khua kimah ki khoi ahih manin mipi-in huh theih omleh khangno dam lote panpih huai hi. Mai lamah hunah Zomi Movement pen mipi galkap hihna panin minam khat suahtakna thuneihna (self determinationကိုယ်ပိုင်အုပ်ချုပ်ခွင့်) munah hong ki hei ding pen lam et huai hi. Mipi galkap te’ din mun ahihleh Burma gam sungah Kawlte tam zaw leh a lule a khua’phawk thei tengin taisan uh a, tua hangin Zogam sungau singnuaimi thautawi te zong haksatna tuak toto ci hi. Suangzang khua phone line te hoih kik ta cih ciang kiza in damlo liamma omte zong kihan ciam ci uhhi.

Zogam Charter panin makai te zong kihel uh a, tua laiah khangnote tungah mipi suahtak nading a panpih pen Malaysia KL Khawmpi makai te zong kihel uh ci hi. Zomi Khawmpi 2019 pansanin na kisem hileh Zomite’ sungah hi bang din munah ki om nawnlo ding cih pen Zomite din mun kimu thei hi. Zomite’ ကိုယ်ပိုင်အုပ်ချုပ်ခွင့် pen Zogam Charter sungah kim takin om a, Zomi State sungah ki makaihna thukimna siksan loin a tuamtuam pawlin kipai ciat manin buaina hong tun zaw uh cih kimu thei hi. Zomite kilem nading siksanin Zogam Charter ah gen ciat ding hoih ding uh ci hi, online tung panin kilem nading lai ki-at ciat mahleh koi mun tawnin bangthu te siksanin pomin kilemna masuan ding cih thu kuamahin at thei lo ahih ciangin kilemna Zomi State, Zogam sungah kilemna bek kisam lai ci hi.

read more news

www.zbc.news

#correspondent#lulun#