MINAM NASEM KI SUAM LUM

——————————————

(ZPCC/ZRAEC OFFICIAL STATEMENT )

June 11, 2026

Makaipi leh Galkapmangpa phalna hangin kician ahihna hong tangko uh cih danin kila thei suak hi. Zogam sungah minam nasem leh makai te din mun ih gen pih theih om loin ahi zongin Pa Mang sihna leh a suam lum terrorist အကြမ်းဖက်သမား ZNA te thu online ah amau suahna leh mipi muhna i sai kak ciangin Pa Pau Ngaih Mang pen mi thupi mahmah leh na sep mawhpuak zo ahihna kimu zaw hi.

(ZBC News) Thuman hong dawk semsem ahih manin zakna leh kannan panin kisel cip theilo ding thute hong kilang khia hi. Meivak pen sabuai nuai ah ki vak loin kho sang tungah ki de ahih manin thuman zong hong tang khiakhia uhhi. Zogam sungah mipi leh a thei te in a genna ah Pa Pau Ngaih Mang@ Pa Mang sihna thu pen a tel mahmah om vanah singnuai mite sung panin apia khia thusim hangin hong kician mahmah suak hi. Mipi theihna Pa Mang pen minam leh gam it taktak khat leh a lek mahmah ahih manin amah in mite tungah siatna bawl loin mi hoih ahihna mipi-in gen tek uh hi.

Singnuaimi thautawi ZNA te’ thusuahna ah a suah masak uh thu-in” Pa Mang sihna ka theih pih kei uh, kua khut mah cih ka kan uh cih bangin lai khah masa uhhi. Khah kikna ah Pa Mang nuntakna zia hong gensia ta uh a, siahkai hi, inn lam hi, mite un mu dah mahmah uh hi,” cih bangin mawh matna lamah hei leuleu uhhi. A suam lupna hang taktak a gen lian loh hangin a sihna thu hong at khiat te uh panin ki peng sak nuam ta uh ci uhhi. Gam sungah hite kalsuanna a theihpih om ahih manin hih singnuaimite Tungzang gam sungah kim velin om ci uhhi.

ZPCC/ZRAEC Commander and Chief tung panin phalna om loin ZPCC in statement hong khah het lo ding ahih manin ah hih Pa Pau Ngaih Mang sihna thu singnuaimi thautawi kipawlna ZNA pen evidence leh theih cianna om cihna kimu hi. ZPCC/EC Official statements tungah muh bangin i et ciangin ami zong tel mahmah dingin ki lam en hi. Zogam Galkap tetawh kipawl bangin mipi muhna laisuah in na sem bangin kipho lak uh a, ahi zongin a tupna uh ahihleh minam nasem khua leh tui it leh makai te kalsuanna hong buai sak dingin a sungah gamtan cih pen kilang khia ta hi.

Zogam sungah na sem taktak minam leh gam ading a si ngamte pen a si lawh takpi hong suak hi. Makai gensia leh hawm thawh peuh mahin minam leh gam it suak ngei loin gual lelhna tawh gamtatna pen siatna terrorist အကြမ်းဖက်သမား din munah hong tung ahihi. Zomi sungah ZPCC/EC kalsuan pih ahihi tupna policy theih loh manin mawh sakna tawh ma kai nuamte in phunsan hi. Zomite tupna kician ahih manin galten Zogamah Zomi Revolutionary Army Eastern Command ZRAEC pen hong kapna a hangin apaulap Kawl kumpi tawh kipawl cih zuau tawh hong mawh sak uhhi.

Kawl kumpi thuneih zawh kum sawm sagih huam sungah Zomite kipawlna politics နိုင်ငံရေး pen om ngei peuh mah loin luang khamin kisem toto ahihna kitel a semsem hi. ZCD cih te luang khamin kipia ngam te hi a, tu’ hun tawm in kipawl cih tawh muhna leh khemna lungsim ဦးနှောက်ဆေးကြောခြင်း pen kum 2021 panin hong kipan uhhi. Hih mipi lungsim khemna kipat zia online panin PDF Zoland te kiang panin hong kipan in mipi lawh zo suak hi. Pu Genpu a cih zuau min panin Zomite hong gensia in ZPCC/ZRAEC hong mipi muhna a deih bangin gen zak uh suak hi. Tua pen CNA lamsialna panin kipan a , tu’ ni dongin gal tampi thuman pan sanin na sem Zogam Galkap te din mun pen hong khang to semsem uh cih muhna om hi.

Tungzang khua-ah kikapna om lai-in mapang leh an pia ahihna leh MualLum leh

Dampi lam panin CNA te Zogam Charter huang sungah mimal sanga hong kuan toh lai-in Pa Mang zong minam leh gam itna hangin a si ngam mi kician khat ahihi. Zogam lentang dungahna ngawnah minam it na sem ki cian khat ahihna mipi-in pam maih sa mahmah uhhi.

Zogam leh Zomite hong it luat manin ama nuntakna-ah azi ata- Anglum sungah a om loh hun tam mahmah kha ding hi.

ZOGAM LEH ZOMI itna sungah kipawlna panin ki makaih thei loin kipawlna phuan khia zel, Malaysia KL Khawmpi thukimna leh maban siksan in kalsuan thei loin kipawlna phuan zel, tua bangin apaipai te in siatna hong tun takpi uh a, a sem abawl te lang panna panin sihna ciangah tunta uhhi. Zomite lungtangin policy ahih keileh bylaw tawh pai siam nai loh manin ki lu tei sak tam semsem uhhi. Pa Mang pen mipi-in thupi leh gam it taktak ahihna gen ciat uhhi. Singnuaimi thautawi ten amau khutma ahih lohna danin gen uh a, ahi zongin a kik ciangin ama mimal mawhna om danin kisuam lum ahihna leh a sihpih ahihna ama mimal thutawh hong khup kik uh ci hi.

read more news

www.zbc.news

#correspondent#stenlingsiampu#zogam#