KAPTEL KHUAMITE BEENGH MAT SAK

————————————————————

(Beng tengtul man laksak)

(ZBC News) Zogam sungah siatna buaina hong bawlin hong nop neh nuamin pawl khat hong ki thawi ciangin mipi bekin na kisa loin Zomi Revolutionary Army Eastern Command ZRAEC in zong na sa mahmah cih thu kiza hi. Sing uaimi thaitawi kipawlna ZNC kicii damiah din kunah hong kipan tengin zuautawh nasep kipanin Zomite ading hi bangin gamtat siatna hong bawl pen Zogam Galkap in kimai sai zo nawnlo dingin gen uhhi.

Kaptel khua mite Bengh tenghtul man ding hih singnuaimi thautawi EC panin taikhia ZNA koci tengin matsak in pia nuam lo uh cih thukiza hi. Kaptel khuamite Beng matsakna hangin Pu Pau Lun leh Nu Niangsen Zomi amau gelin thumsak in a ngetsak hangin singnuaimi thautawi tengin pia. uam lo uh cih thukiza hi. USA panin kipan khia we love min vawhin Zomi leh Zogam puah nuam leh nasem nuamin hong kipan tengin minam galkap panpih nuam bangin sum leh pai kaih khopna hong kipan uhhi.

ZIUSA khawmpi akipan in hong diang khia uh a, tua hun panin Sia Pau Khai in tangko khia a, tua ZPCC/ZRAEC hong lang panin minam makaite khawl zah dingin gelna vai hawm khin uh ci hi. Tua banah hih sum leh pai kaih khopte ZDCI finance tungah puak nawn loin Pu Pau Lun leh Nu Niangsen Zomi tungah sum tawn sakin tua a kipanin minam sung nawngkaina hong kipan to ta uh cih thukiza hi. USA panin minam vei bangin hong kipan khia we love ten galkap leh party thak gelna han ciamin Pau Lun adeihna bangin koih nuam uh ahihi. Tua hangin we love te khemna kikap ah ZIUSA khawmpi inntek sepna kipan a, ZDF ten Tonzang gal paulap in sum kaih khopna hong kipan in mipi tungah inn mun leh logam bangin seh bawlin kuatkhat kuatnih cih bangin piak khiatna kipan sak uhhi.

Zogam sungah buaina kipatna leh hong buai sak taktak hih bangin nasem ZRAEC min pua a, sum kai khawm, Tonzang galte hawlkhiat nadinga sum kai khawm tengin Zogam leh Zomite hong panpih hi loin Pu Pau Lun pen na panpih in han ciamna a neih manin si ngam zahin hong gamta pawlkhat te ki thei khia ci hi. Party sungah thautawi-in pawl a nei singnuai mite ZNA na ngawnin buai khin a, mai lamah hi bang gamtatna a thu mawk bei lo dingin makai khatin ZBC News tungah genkhia hi.

Pa Pau Ngaih Mang sihna zong kician takin Zogam galkap mang ten va en cian uh a, Eastern Command panin thau tai pih te kizangin thautangh zong a pum tungah om lai ahi cih ZPCC media panin kiza hi. ZRAEC in Pa Mang kidelh panin a hi thei bangin ama sihna tungah mawh puak leh ami teng kimat siang dong Zogam galkapte maban khat dingin gen ta uhhi. Makaih khat genna ah hih diahmaih hong sem tengin khua kimah ZRAEC tawh kibang ahihna leh na sem khawm bangin kigen uh a, mipi neihsa leh vante zong mai tuam zangin pawl khat lak sak zel uh ci hi. Pu Pau Lun a panpih dingin hong kipan khia uh a, galkap thak gelna leh party thak vai hawmna te hih gam dang panin we love te nasepin minam sungah buaina lianpi hong bawl khinta ci uhhi.

Pu Pau Lun leu Nu Niangsen Zomi amau tegelin Kaptel khuamite van a matsak a piak kik theih nadingin singnuaimi thautawi ZNA te a hopih leh ngah sak zo nawnlo ci uhhi. Tua ahih manin hi bangin ZPCC/ZRAEC naspna zingvai a leh pamin a gensia leh min daisak taktak pen tu’ ni minam leh gam ki-it sak mahmah Zomi khuapi Lamka tan va pha in a ciah we love te makaihna ahih manin mipi-in thei semsem ci uhhi. Zogam sungah minam makaite phalna leh theihpihna om loin sum ngenleh hong vak thap damiah thawtawi ZNA kicii akipan bam dang khatpeuh omleh Zomi Revolutionary Army Eastern Command ZRAEC tungah koh pah theih dingin gen uh hi.

read more news

www.zbc.news

#correspondent#vcpiang#zogam#